شعر

( يوم العيد )

 

بقلم الأديبة والشاعرة / إلهام قربوص
متابعة المستشار الإعلامى دكتور / سامح الخطيب

يوم العيد

لما ليل النكسة خيم..
ع الشوارع والحوارى
والبيوت
واما ذل الكسرة يوجع ..
كل أم وكبدها
مخطوف بموت
واما دمعك
صهده بيولع ولادك
صرخة منهم
وحدها شقت سكوت
قالوا لازم
صعبنا هندوس عليه
والمرار اللى ف حياتنا
بالعزيمة راح يموت
أقسموا دوغرى بسماكى
والجمال اللى ف بهاكى
كل طاغى وكل باغى
بكره يبقى
رملنا ليهم تابوت
والعبور كان حلم
جهز له الفوارس..
والمعين كان فى السما
حافظ وحارس
أرض سينا علمتهم
الولاد……
دول صخر يابس

الله أكبر
زلزلت كل الحدود
كات نشيد الكل قاله
فى الشوارع
والحوارى والبيوت
رجعت الفرحة لسماكى
والطيور غنت معاكى
والصقور عملت وليمة
والعلم بايساه
نوارس
وانت مهما الظلم طال
بردو باقية للخلود

بقلمى -إلهام قربوص

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى