شعر

وخلصت الرحلة

خلصت الرحلة
بقلم الكاتب والشاعر / سامح السبكى
متابعة المستشار الإعلامى دكتور / سامح الخطيب

……………..
……. وخلصت الرحلة
بحلوها ومرها

والشعر شاب والشجرة دبلت في أرضها
زمان كنا ثمار خضراء طارحين ع أرضها

دلوقتي الشجرة دبلت ويبست أرضها
هاتجيب ثمار منين تاني ما خلصت الرحلة

قلوب كانت جميلة دلوقتي اصبحت وحلة
ارجعلي يا زماني رجع ثماري تنبت في أرضها
……………..
الشعر كان أسود وزماني كان أحلي
مابقولش ان الأبيض شيبة ده حتى هيبة

انا بس شقيت كتير في زمن
بقي فيه قلة تقدير وخيبة

اصل الناس في زمانا ده بقت غريبة
عايزيين قلوب منافقة ماتعرفش العيبة

ماله زمان القلب كان اخضر والناس حبيبة
دلوقتي القلب يبس والناس بقت وحشة
…………….
الرحلة خلصت وراح زمان الصبى
أيام ماكان الروح جميلة ومثمرة

دلوقتي الضباب غطى علي قلوبنا
وبقينا دايما نلبس توب مش توبنا

توب الفضيلة كان زمان لما كان موجود أمان
دلوقتي تقدر تقنعني يا ولد ابوي هاتكمل الرحلة

طب تكمل ازاي والارض اتزعزعت من تحتنا
وبقينا قاسيين علي بعضنا ولاهتنا دونيتنا

ماتقولي ليه يا زمان غاوي تبكي عيوني
ارجع بالذاكرة واديني أمل في بكرة

ولو مش هاترجع أخضر تاني وتنور بستاني
قولي ماحلمش ببكرة واخد صورة للذكرى
………………

وخلصت الرحلة
………………….

بقلمي الكاتب والشاعر / سامح السبكى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى