Uncategorized

منك لله يا إعتدال

 

بقلم الشاعرة / صباح غيث ( شاعرة الريف )
متابعة المستشار الإعلامى دكتور / سامح الخطيب

منك لله يا إعتدال

الرجل دا يا ناس هيجننى
أجيله يمين يجيلى شمال
ولو زهقت وزعقت من عمايله
يقوللى وطى صوتك العيال
أقوله مصروف البيت يتعفرت
ويقوللى منين يا ست إعتدال
ما إنت شايفه الحال
واقف وأنا قاعد مش شغال
يا أخويا فى شرب السجاير
ولعة وإذا كلمتك تعمل ليا موال
محمد عاوز فلوس الدرس
وهات مصاريف الجيش لكمال
والبنت خطيبها زهق وعنده
حق ما أنت ضاربها صرمة يا جمال
يا رجل رد عليا!!! هرد أقول
إيه ؟ يحلها من عنده الحلال
فوووق محدش بينفع حد إحنا
فى زمن حُرم فيه حتى ااسؤال
والحياة صعبة والكل ملهى
بحاله وشايل بدل الحمل أحمال
برضه سايبنى وماشى حرام
عليك أنا تعبت كفايه كسل وإهمال
ضعيت صحتى وشمت فيا القريب
والبعيد ودوقتنى مر الحوجة والسؤال
حراااام عليكى إنتِ أنا مش
جماد نزله فيا سلخ إنت والعيال
أجيب منين أسرق ولا أشحت هو
أنا لقيت شغل وقلت مش شغال
فى الدخله والخارجة ذلانى ما أنا
يا ما أشتغلت وكان الحال غير الحال
كرهتينى فى عشتى ربنا ياخدنى
علشان ترتاحى كل اللى يهمك المال
ولادك كبروا شيليهم المسؤلية شوية
وارحمينى من ذنك عمال على بطال
بتشوفينى بتكشرى وكأنى عدوك
وبتسممى فى جسمى بكلام ما يتقال
طول عمرك كسرة بخاطرى
وحرقه دمى لا كلمة حلوة ولا أفعال
أنا خارج ولو مرجعتش قوللى بركة
يا جامع روحى منك لله يا إعتدال

ينزل الزوج من البيت ويسير فى الشارع
وهو مهموم شارد الذهن …..وفجأة ……
تصدمه سيارة ويلقى حتفه……
وينادى الناس على زوجته قائلين …

(إلحقى يا أم كمال عم جمال مات وأخر
حاجة قالها ….منك لله يا إعتدال)

بقلمى – صباح غيث ( شاعرة الريف )

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى