مقالات

تجارب الحياة

بقلم :رانيا فاروق

يه بنعيش تجارب فاشله او بنقابل ناس غلط ؟.. سؤال ديما بنسأله لنفسنا لدرجه انه ممكن يحسسنا ان العيب فينا احنا. اكيد مفيش حد كامل بس كمان نجاح اى علاقه بين اتنين بتعتمد عليهم هم الاتنين مش على طرف واحد بس. سواء ارتباط ، جواز ، صداقه ، شغل..
لو اتكلمنا عن الجواز آو الارتباط عموما هنلاقى ساعات كتير ان ممكن الطرفين يكونو هايلين جدا لكن مش مناسبين لبعض و ده معناه ان مش شرط ان اى حد مناسب ينفع! ممكن تلاقى فى الاول فى انجذاب و فلاش كده ضرب فى وشك من كتر الانبهار و بعد كده يطلع وهم . و ممكن العكس تكون فى الاول مش مبهور ولا حاجه وحاسس ان العلاقة مطفيه و بعد كده تكتشف العكس انك مع الشخص الصح الى يستاهلك و مش شرط بردو ممكن تكمل كده عادى علاقه بارده فاتره مفيهاش اى مشاعر . الخلاصة طول ما انت حاسس انك مش مرتاح اهرب انفد بجلدك قبل ما تدمر نفسك .، الحب مهم بس التفاهم اهم انكو شبه بعض مهم روحكو قريبه من بعض و بتحسو ببعض مهم ،. ابعد عن الى مش شبهك الى طباعك غريبه بالنسبه له و مش قابلها ، الى شايفك ديما غلط و هو صح ، الى عايز يغيرك و هو واقف مكانه مبيتغيرش ، الى شايل غل و سواد فى قلبه ليك ، الى عيزك تسامحه طول الوقت و هو عمره ما ينسالك غلطه ، ابعد عن الناس المرهقه القاسيه الأنانية المريضه نفسيا. احنا بجد مش ناقصين ارهاق و مرضى نفسين فى حياتنا ،. احنا نستاهل ناس مريحه فرفوشه قلبها ابيض و طيبين بينسو الزعل و الخصام مبيشلوش فى قلبهم ناس سويه معندهاش عقد و كلاكيع ، الحياه ابسط و اسهل بكتير من اننا نشيل فى قلوبنا كره و حقد للناس و لأقرب الناس لينا. اتمنالكم ديما الخير و انكو ديما تقابلوا الناس الصح فى حياتكو الناس الى قلوبها صافيه و ديما مليانه خير و حب و تفاؤل

عبدالله رجب الشريف

كاتب صحفي حر عاشق تراب الوطن مبدع في بلاط صاحبة الجلالة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى