شعر

اكتوبر شهر العبور

 

بقلم الشاعرة / منال عبدالرزاق محمد
متابعة المستشار الإعلامى دكتور / سامح الخطيب

اكتوبر شهر العبور

شهر غير كل الشهور
له مكانة في القلوب
يوم ما ردينا اعتبارنا
يومها واخدنا قررنا
نسر قاد سرب النسور
بدلو الظلمات لنور
مر بيه وسط النيران
دمروا جحور الفيران
قال بسرعة يا وحوش
هاجموا يالله متخفوش
يا جنود املو الميدان
ستة يوم في شهر عشره
فيه سمعنا احلى نشرة
اننا طهرنا سينا
من جرادها وكل حشرة
حطمو كبر الاعادي
والجميع نادى. وكبر
صوت آدان رج المكان
كانو صايمين الولاد
جاهدو في سبيل البلاد
جيش. بيحمي انتصاره
وقت ما عاش انهزامه
نكسة هتسبب دماره
لما عاش وسط الحصار

فاكرة. مرة ابويا قالي
ان جدي كان مقاتل
اختاروه ف أول طليعة
إنها تعدي القنال
شال على كتفه السلاح
يجري بيه فوق الرمال
لبى حي ع الفلاح
هزت الكلمة الجبال
رددوا الله اكبر
حاربوا لجل بلدنا تكبر
اسقوا بدماكم. ترابها
رجعوا مصر لشبابها
قالوا عن بارليف حصين
بس نسيو احنا مين
قالها رب العالمين
ادخلوها آمنين
ادخلوها آمنين
بقلمى – منال عبدالرزاق محمد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى